Irailaren 11

Irailaren 11

2001eko irailaren 11, zalantzarik gabe, denok gogoratzen dugun data bat da, izan ere, egun hartan gertatu zen historiako atentaturik hilgarriena: 3.000 pertsona inguru hil zituzten (gaur egun ere atentaturik hilgarriena izaten jarraitzen du). Al-Qaeda talde terroristak –19 terroristaren bidez– Estatu Batuetako lurraldean hainbat atentatu planifikatu zituen, eta lau hegazkin bahitu zituzten horretarako. Horietako bik New Yorkeko Dorre Bikien aurka jo zuten, eta handik gutxira erori egin ziren. Beste hegazkin batek Washingtongo Pentagonoaren aurka jo zuen, eta 200 pertsona hil zituzten. Laugarren hegazkinak Etxe Zuria edo Kapitolioa erasotzea zuen helburu, baina  ez zuten lortu hegazkin horretako bidaiarien jokabide ausartari esker –hegazkina bahitu egin zuten eta terroristei aurre egitea lortu zuten–, nahiz eta zoritxarrez Pennsylvaniatik gertu dagoen baso batean erorarazi behar izan. Irailaren 11k aro aldaketa ekarri zuen zentzu askotan, batez ere eremu geopolitikoan eta segurtasunean; izan ere, beldurraren aurkako gerra globalaren hasiera izan zen, eta horrek berehalako ondorioak izan zituen: Estatu Batuek Afganistan inbaditu zuten lehenik, eta ondoren, Irak. Era berean, segurtasunari dagokionez, izaera jihadistako terrorismoa nazioartearentzat mehatxu globala zen; eta –nabarmendu beharreko azken alderdia– horrek nazioartean parte-hartze handiagoa izatea eta biktimen mugimendua gehiago ikusaraztea ekarri zuen.