Terrorismo jihadista

Terrorismo jihadista

Bi hitz horiek batuta, terrorismo mota bat izendatzen dugu, eta horren sustatzaileek “yihad” ekintza gisa definitzen dute. Arabieratik datorren eta islamaren sorrerako testuetan ematen zaizkion erabileretatik hartutako “yihad” terminoa “gerra santu” gisa itzuli izan da maiz mendebaldeko herrialdeetan. Ez da itzulpen literala, ez da zentzugabea ere, baina nahiko zehaztugabea da. “Yihad” hitzak, bere zentzurik primitiboenean, ahalegin erlijiosoa esan nahi du, eta ahalegin erlijioso horrek forma ezberdinak har ditzake. Islamaren interprete klasiko batzuek “yihad nagusia” deitzen duten ahalegin bat edo izaera espiritualeko “yihad” bat dago. Eta badago “yihad txikia” dena, borrokazalea eta gerrazalea zentzua duena. “Yihad” terminoaren zentzu hori buruzagi militar, politiko eta erlijiosoek erabili izan dute herri islamiarren historian zehar indarkeria mota desberdinak justifikatzeko, baita terrorismoa ere. Terrorismo jihadista da azken urteotan indarkeria mota horrekin lotutako biktima gehien eragin dituen terrorismoa, eta hedapen handiagoa izan du, mundu osoan zehar zabaldu baita. Mundu islamikoa erregimen politiko bakar baten pean bateratzea du helburu, “munduko kalifatoa”; eta “lege islamikoa”ren inplikazioa eta aplikazioa ziurtatzea. Musulman gehienek baztertu egiten dute “yihad” hitza erabiltzea errugabeen heriotza justifikatzeko.